వాట్సప్ వేదికగా అష్టావధానం
18-052019. శనివారం
108 వ రోజు
విప్రకవులందరికీ స్వాగతం
అవధానులు..
బ్రహ్మశ్రీ ఆయాచితం నటేశ్వరశర్మగారు.
సమన్వయ కర్త : గోగులపాటి కృష్ణమోహన్ గారు
అతిథులు
బ్రహ్మశ్రీ చెప్పెల్ల హరినాథ శర్మ గారు
బ్రహ్మశ్రీ గౌరీభట్ల బాలముకుంద శర్మ గారు
బ్రహ్మశ్రీ ముత్యంపేట గౌరిశంకర శర్మ గారు
బ్రహ్మశ్రీ ముదిగొండ అమరనాథ శర్మ గారు
పృచ్ఛకులు
చందోభాషణం : మాడుగుల మురళీధర శర్మ గారు
నిషిద్ధాక్షరి : గోగులపాటి కృష్ణమోహన్ గారు
సమస్య: సరస్వతి రామశర్మ గారు
దత్తపది : రామక కృష్ణమూర్తి గారు
ఆశువు : మల్లావఝ్ఝుల చంద్రశేఖర శర్మ గారు
వర్ణన :సింగీతం నరసింహారావు గారు
దృశ్యం :వేదాంతం సురేష్ బాబు గారు
అప్రస్తుత ప్రసంగం : ఎవరైనా
వేదిక: విప్రకవుల సమూహం
ప్రార్థన !
🍁🍁
కవులను మించిన కవియై
భువి కవులకు నడ్డులేని పూర్ణత నిడుచున్
కవనపు లక్ష్యము నొసగెడి
కవిగణపతి గొల్తు నిత్యకవనస్థితికై!
ఆశువు:
తిరుమల వెంకటేశ్వరస్వామి గూర్చి
పూరణ
తిరుమల వేంకటేశ్వరుడు దివ్యమనోజ్ఞకవిత్వమూర్తియై
పరిమళమొప్పు భావనలనపారముగా వెదజల్లి యీ సభన్
నిరుపమసాహితీవిభవనిత్యవసంతమొనర్చుగాక నన్
కరుణను బ్రోచుగాక సువికాసవిలాసకళాస్వరూపియై !
దత్తపది
మార,ధీర,పార,చోర-దత్తపదములు ప్రాస స్థానమున వచ్చునట్లు ,బుద్ధజయంతిని చెప్పగలరు
పూరణ
మారకుండిన జగతిని మార్చు కొరకు
ధీరవర్ధిత తపమున దీక్ష బూని
పారమును జూపె బుద్దుడు ప్రబలరీతి
చోరహార్యము గానట్టి శుద్ధవాణి!
ఆశువు:
అవధాని గారికి నమస్కారములు!
పుస్తక ఆవిష్కరణ సభల గురించి ...పుస్తక సమీక్ష ల గురించి ఆశువుగా చెప్పమని మనవి.
పూరణ:
పుస్తకమస్తకమ్ము గని పూర్ణత నిండగ దానిలోని స
ద్వస్తుతతిన్ గనుచువాక్యత దెల్పిన మేలుగాని నే
డస్తవనీయమో విధిని హాసముగా కొనసాగు నౌచితీ
ప్రస్తుతి లేక నీ తెరగు వాంఛితమౌనె కవీంద్రకోటికిన్?
వర్ణన:
14సంవత్సరాలవనవాసఅనంతరం అయోధ్యకు సీత,శ్రీరాములవారులు.... తోపాటు తిరిగివచ్చిన లక్ష్మణుడు తన ధర్మపత్ని ఆనాటి నుండి తాను వచ్చువరకు నిద్రలో ఉన్న ఊర్మిళను నేనొచ్చాను,లెమ్మని అంటున్న సందర్భమును పద్యంలో వర్ణించి మనవి. ఉత్పలమాల ఛందము.
పూరణ
రామపథానువర్తినయి రాజితరీతి వనప్రవాసినై
నేముము పూర్తిజేసితిని నిర్మలమాయె మనంబు నేటికిన్
శ్రీమతివైన నీవు సహశీలత నిద్రను జారుకొంటివే
కోమలి!లెమ్ము నిద్ర విడి కోసలనాథు నమస్కరింపుమా!
సమస్య
శాపమువరమైనవేళ సారస్వతికిన్
పూరణ
కోపము తాపము శాపము
తాపసుల వచస్సులందు తాపహరములౌ
ఖ్యాపితధర్మపు త్రోవల
శాపము వరమైన వేళ సారస్వతికిన్ !
దృశ్యం:
మా చెన్నూరు గ్రామము నేటి మంచిర్యాల జిల్లాలో ఉంది. అగస్త్య మహాముని ద్వారా ప్రతిష్ఠతమైన ఈ శివలింగం చాలా పురాతనమైనది మరియు మహిమాన్వితమైనది.ఈ ఆలయంలో దాదాపుగా 400 సంవత్సరాల నుండి అఖండదీపం వెలుగులు విరజిమ్ముతూనే ఉన్నది. ఈ స్వామి అంబాఅగస్త్యేశ్వర స్వామిగా ప్రసిద్ధి గాంచాడు. ఈ స్వామివారిని " అంబాఅగస్త్యేశ్వరా" మకుటంతో కీర్తించగా గురువర్యులకు నమస్కారపూర్వక విజ్ఞప్తి.
పూరణ
ధర చెన్నూరున వెల్గుచున్నది సనాతన్య ప్రభా రాశియై
వరదేవాలయమందఖండరుచితో భద్రమ్ముగా దీపమే
వరకుంభోద్భవసుప్రతిష్ఠిత మహాభాలింగరూపాన నో
హర! మా తాపము బాప రమ్ము! గిరిశా!అంబా అగస్త్యేశ్వరా!
నిషిధ్ధాక్షరి
గ గుణింతం నిషేధం తో
గంగా స్తుతి
స్వేచ్చా వృత్తంలో
పూరణ:
వెన్నుని పదమున బుట్టుచు
తిన్నల తారల పథమ్ము దీరె త్రిపథయై
వెన్నెలవోలిక వాలెను
తన్నుచు పాపములనెల్ల ధరణిని బ్రోవన్!
ఛందోభాషణ: 1
అవధానాష్టోత్తరశత
కవనమ్ములు సాగుగాక కమ్రతరోక్తిన్
భువి సాగు వర్ణనమ్మున
భవనము భావనముగాదె?భావింపంగన్ !
ఛందోభాషణ: 2
భవుడేయీయవధాననాట్యమునతాభాషించుఛందమ్మునన్!
శివుడే నేనయి నాట్యమాడుదు గదా చిల్లాస్య సంవాసినై !
కవిగామీరిటబృందసభ్యులగుమాకాశీస్సులందించగా!
సవనంబాయెను సాహితీవనమునన్ స్వారస్యమేపారగా!
ఛందోభాషణ: 3
పూర్ణతనొందగా కవులు భూషణభాషణమందజేరసం!
పూర్ణతరమ్మునౌ బ్రతుకు పూసిన పూవుగ విచ్చుకొన్నచో!
కర్ణపిశాచమాంద్యతలు*గ్రక్కునవీడగ సాహితీక్రియల్!
కర్ణరసాయనమ్ములుగ గావలె నిత్యము పద్యధారచే!
ఛందోభాషణ: 4
ధన్యముమీదుభాషణసు*ధారరసార్ణవధారపారగా!
సాధనతోడ సాధ్యమగు సర్వము నీ జగతిన్ కవీశ్వరా! ధారణచేయలేకమది*దాగుడుమూతలునాడుచుండగసం!
అన్యులకేలదక్కునిధి*నందినవారికిమాత్రమేసుమా!
పల్కుల చిల్కలున్నవిట భాషణ సేయగ దాపదేలనో ?
మాన్యము పద్యవిద్య జనమాన్యము గాదె సమస్తవేళలన్!
నూరవధానముల్ గనిన నూతనుడౌ నవధాని పుట్టడే?
పలుకుడు కొత్తమాటలను పాటలుగా ననునిత్యమాటతో!
ధారణధోరణుల్ నిరతధారయు ధైర్యము నిల్పునెప్పుడున్!
ధారణ సాధ్యమౌను గతధారను వీడక సాగిపోవగన్!
సమాపణ
సమాపనపద్యం:
తీర్చె గదా వధానమును దివ్యసరస్వతి నన్ను గాచుచున్
కూర్చిన పద్యమాలికను
కోమలితమ్ముగ వేతు మాలగా
మార్చును సత్కవిత్వము సమమ్ముగ నెల్ల ధరిత్రి జీవులన్
చేర్చును శాంతిసౌఖ్యముల చిన్మయభావతరంగరంగయై!
అందరికీ స్వస్తి!
మీ
అయాచితం నటేశ్వరశర్మ.
కృతజ్ఙత
🙏🌹🙏🌹🙏
కార్యముసఫలముజేయగ
పర్యాయముగద్వితీయ భంగములేకన్.
ఆర్యులునటేశ్వరసుకవి
వర్యులుయవధానసభను వాణీకృపచే
🙏🌹🙏🌹🙏
స్వస్తి
మీ
గోగులపాటి కృష్ణమోహన్
సమన్వయ కర్త
18-052019. శనివారం
108 వ రోజు
విప్రకవులందరికీ స్వాగతం
అవధానులు..
బ్రహ్మశ్రీ ఆయాచితం నటేశ్వరశర్మగారు.
సమన్వయ కర్త : గోగులపాటి కృష్ణమోహన్ గారు
అతిథులు
బ్రహ్మశ్రీ చెప్పెల్ల హరినాథ శర్మ గారు
బ్రహ్మశ్రీ గౌరీభట్ల బాలముకుంద శర్మ గారు
బ్రహ్మశ్రీ ముత్యంపేట గౌరిశంకర శర్మ గారు
బ్రహ్మశ్రీ ముదిగొండ అమరనాథ శర్మ గారు
పృచ్ఛకులు
చందోభాషణం : మాడుగుల మురళీధర శర్మ గారు
నిషిద్ధాక్షరి : గోగులపాటి కృష్ణమోహన్ గారు
సమస్య: సరస్వతి రామశర్మ గారు
దత్తపది : రామక కృష్ణమూర్తి గారు
ఆశువు : మల్లావఝ్ఝుల చంద్రశేఖర శర్మ గారు
వర్ణన :సింగీతం నరసింహారావు గారు
దృశ్యం :వేదాంతం సురేష్ బాబు గారు
అప్రస్తుత ప్రసంగం : ఎవరైనా
వేదిక: విప్రకవుల సమూహం
ప్రార్థన !
🍁🍁
కవులను మించిన కవియై
భువి కవులకు నడ్డులేని పూర్ణత నిడుచున్
కవనపు లక్ష్యము నొసగెడి
కవిగణపతి గొల్తు నిత్యకవనస్థితికై!
ఆశువు:
తిరుమల వెంకటేశ్వరస్వామి గూర్చి
పూరణ
తిరుమల వేంకటేశ్వరుడు దివ్యమనోజ్ఞకవిత్వమూర్తియై
పరిమళమొప్పు భావనలనపారముగా వెదజల్లి యీ సభన్
నిరుపమసాహితీవిభవనిత్యవసంతమొనర్చుగాక నన్
కరుణను బ్రోచుగాక సువికాసవిలాసకళాస్వరూపియై !
దత్తపది
మార,ధీర,పార,చోర-దత్తపదములు ప్రాస స్థానమున వచ్చునట్లు ,బుద్ధజయంతిని చెప్పగలరు
పూరణ
మారకుండిన జగతిని మార్చు కొరకు
ధీరవర్ధిత తపమున దీక్ష బూని
పారమును జూపె బుద్దుడు ప్రబలరీతి
చోరహార్యము గానట్టి శుద్ధవాణి!
ఆశువు:
అవధాని గారికి నమస్కారములు!
పుస్తక ఆవిష్కరణ సభల గురించి ...పుస్తక సమీక్ష ల గురించి ఆశువుగా చెప్పమని మనవి.
పూరణ:
పుస్తకమస్తకమ్ము గని పూర్ణత నిండగ దానిలోని స
ద్వస్తుతతిన్ గనుచువాక్యత దెల్పిన మేలుగాని నే
డస్తవనీయమో విధిని హాసముగా కొనసాగు నౌచితీ
ప్రస్తుతి లేక నీ తెరగు వాంఛితమౌనె కవీంద్రకోటికిన్?
వర్ణన:
14సంవత్సరాలవనవాసఅనంతరం అయోధ్యకు సీత,శ్రీరాములవారులు.... తోపాటు తిరిగివచ్చిన లక్ష్మణుడు తన ధర్మపత్ని ఆనాటి నుండి తాను వచ్చువరకు నిద్రలో ఉన్న ఊర్మిళను నేనొచ్చాను,లెమ్మని అంటున్న సందర్భమును పద్యంలో వర్ణించి మనవి. ఉత్పలమాల ఛందము.
పూరణ
రామపథానువర్తినయి రాజితరీతి వనప్రవాసినై
నేముము పూర్తిజేసితిని నిర్మలమాయె మనంబు నేటికిన్
శ్రీమతివైన నీవు సహశీలత నిద్రను జారుకొంటివే
కోమలి!లెమ్ము నిద్ర విడి కోసలనాథు నమస్కరింపుమా!
సమస్య
శాపమువరమైనవేళ సారస్వతికిన్
పూరణ
కోపము తాపము శాపము
తాపసుల వచస్సులందు తాపహరములౌ
ఖ్యాపితధర్మపు త్రోవల
శాపము వరమైన వేళ సారస్వతికిన్ !
దృశ్యం:
మా చెన్నూరు గ్రామము నేటి మంచిర్యాల జిల్లాలో ఉంది. అగస్త్య మహాముని ద్వారా ప్రతిష్ఠతమైన ఈ శివలింగం చాలా పురాతనమైనది మరియు మహిమాన్వితమైనది.ఈ ఆలయంలో దాదాపుగా 400 సంవత్సరాల నుండి అఖండదీపం వెలుగులు విరజిమ్ముతూనే ఉన్నది. ఈ స్వామి అంబాఅగస్త్యేశ్వర స్వామిగా ప్రసిద్ధి గాంచాడు. ఈ స్వామివారిని " అంబాఅగస్త్యేశ్వరా" మకుటంతో కీర్తించగా గురువర్యులకు నమస్కారపూర్వక విజ్ఞప్తి.
పూరణ
ధర చెన్నూరున వెల్గుచున్నది సనాతన్య ప్రభా రాశియై
వరదేవాలయమందఖండరుచితో భద్రమ్ముగా దీపమే
వరకుంభోద్భవసుప్రతిష్ఠిత మహాభాలింగరూపాన నో
హర! మా తాపము బాప రమ్ము! గిరిశా!అంబా అగస్త్యేశ్వరా!
నిషిధ్ధాక్షరి
గ గుణింతం నిషేధం తో
గంగా స్తుతి
స్వేచ్చా వృత్తంలో
పూరణ:
వెన్నుని పదమున బుట్టుచు
తిన్నల తారల పథమ్ము దీరె త్రిపథయై
వెన్నెలవోలిక వాలెను
తన్నుచు పాపములనెల్ల ధరణిని బ్రోవన్!
ఛందోభాషణ: 1
అవధానాష్టోత్తరశత
కవనమ్ములు సాగుగాక కమ్రతరోక్తిన్
భువి సాగు వర్ణనమ్మున
భవనము భావనముగాదె?భావింపంగన్ !
ఛందోభాషణ: 2
భవుడేయీయవధాననాట్యమునతాభాషించుఛందమ్మునన్!
శివుడే నేనయి నాట్యమాడుదు గదా చిల్లాస్య సంవాసినై !
కవిగామీరిటబృందసభ్యులగుమాకాశీస్సులందించగా!
సవనంబాయెను సాహితీవనమునన్ స్వారస్యమేపారగా!
ఛందోభాషణ: 3
పూర్ణతనొందగా కవులు భూషణభాషణమందజేరసం!
పూర్ణతరమ్మునౌ బ్రతుకు పూసిన పూవుగ విచ్చుకొన్నచో!
కర్ణపిశాచమాంద్యతలు*గ్రక్కునవీడగ సాహితీక్రియల్!
కర్ణరసాయనమ్ములుగ గావలె నిత్యము పద్యధారచే!
ఛందోభాషణ: 4
ధన్యముమీదుభాషణసు*ధారరసార్ణవధారపారగా!
సాధనతోడ సాధ్యమగు సర్వము నీ జగతిన్ కవీశ్వరా! ధారణచేయలేకమది*దాగుడుమూతలునాడుచుండగసం!
అన్యులకేలదక్కునిధి*నందినవారికిమాత్రమేసుమా!
పల్కుల చిల్కలున్నవిట భాషణ సేయగ దాపదేలనో ?
మాన్యము పద్యవిద్య జనమాన్యము గాదె సమస్తవేళలన్!
నూరవధానముల్ గనిన నూతనుడౌ నవధాని పుట్టడే?
పలుకుడు కొత్తమాటలను పాటలుగా ననునిత్యమాటతో!
ధారణధోరణుల్ నిరతధారయు ధైర్యము నిల్పునెప్పుడున్!
ధారణ సాధ్యమౌను గతధారను వీడక సాగిపోవగన్!
సమాపణ
సమాపనపద్యం:
తీర్చె గదా వధానమును దివ్యసరస్వతి నన్ను గాచుచున్
కూర్చిన పద్యమాలికను
కోమలితమ్ముగ వేతు మాలగా
మార్చును సత్కవిత్వము సమమ్ముగ నెల్ల ధరిత్రి జీవులన్
చేర్చును శాంతిసౌఖ్యముల చిన్మయభావతరంగరంగయై!
అందరికీ స్వస్తి!
మీ
అయాచితం నటేశ్వరశర్మ.
కృతజ్ఙత
🙏🌹🙏🌹🙏
కార్యముసఫలముజేయగ
పర్యాయముగద్వితీయ భంగములేకన్.
ఆర్యులునటేశ్వరసుకవి
వర్యులుయవధానసభను వాణీకృపచే
🙏🌹🙏🌹🙏
స్వస్తి
మీ
గోగులపాటి కృష్ణమోహన్
సమన్వయ కర్త
No comments:
Post a Comment