అష్టావధానం - మొదటి రోజు 31-01-2019

అష్టావధానం - మొదటి రోజు
31-01-2019

వేదిక: విప్రకవుల సమూహం (వాట్సప్ వేదిక)

విప్రకవులందరికీ స్వాగతం

అవధాని శ్రీ గౌరీబట్ల బాలముకుంద శర్మ గారు

సమన్వయ కర్త :గోగులపాటి కృష్ణమోహన్

పృచ్ఛకులు
చందోభాషనం : మాడుగుల మురళీధర్ శర్మ గారు
నిషిద్ధాక్షరి: గోగులపాటి కృష్ణమోహన్ గారు
సమస్య : గోగులపాటి కృష్ణమోహన్ గారు
దత్తపది : మల్లావఝ్ఝుల చంద్రశేఖర్ శర్మ గారు
న్యస్థాక్షరి : సరస్వతి  రామశర్మ గారు
అంత్యాద్యక్షరి : బాలసుజాత గారు
అప్రస్తుత ప్రసంగం: మల్లావఝ్ఝుల చంద్రశేఖర్ శర్మ గారు, గోగులపాటి కృష్ణమోహన్ గారు

ప్రార్థనా --
ఏనాడైనను నిన్నుఁజేరుటనగానే నేను ముందుండ న
న్నానాడే పడద్రోయకుండ జననీ నానాటికిన్నీకృపన్
స్వానందమ్ముగఁగూర్చితీవు వరవాగ్వాణీ భవత్సౌహృదా
స్థానీయమ్మగు పాలఁబాలొసగి నన్ ధన్యాత్ముగాఁజేయు మా

సమస్య : గోగులపాటి కృష్ణమోహన్

అవధాని పూరణ
పలుకుల రాణీ వాణీ
తెలివిడిలో నిలిచి ధోవతీ శిఖ విద్యా
తలపుల నిలువు ప్రణతులు
విలువలు కోల్పోవుతున్న విప్రులఁగావన్

దత్తపది :మల్లవఝలచంద్రశేఖర్

మనస్విని
మానవతి
మహేశి
మంగళాకృతి
పదాలుపయోగిస్తూ
భారతజాతీయపతాకాన్నివర్ణించండి

అవధాని పూరణ
కాషాయమ్మన మంగళాకృతి మహాగంగాప్రవాహోద్ధృత
మ్మాషామాషియె? ధౌతవర్ణము సుధా మాహేశి సన్మానవ
త్యేషాపర్ణ సువర్ణ సస్య సుమనస్విన్యుత్తమా భారతీ
యైషోత్సాహ పతాకమంబరమునందాహార్యమై వెల్గెడిన్

అంత్యాదక్షరి : బాల సుజాత
చివరి అక్షరం రాజేశ్వరీ...

అవధాని పూరణ
రక్షణ జీవితమ్మునకు రాబడిలోన దశాంశదానమున్
భిక్షము వేయరే మనకుబేరులు
నార్తులకాదరమ్మునన్
భిక్షువునాదరించిన సుభిక్షమొసంగును భిక్షుకేశుడున్
లక్షణమైన కార్యము విలాసములందున మర్వఁబోకుడీ

అప్రస్తుతం
అయ్యా వాట్సప్ వ్యవహారానికి
ముఖాలుచూస్తూమాట్లాడ్డానికి
తేడాఉందంటారా

అవధాని
వాట్సప్ (what's అప్పు అంటే ముఖం చాటేయాల్సిందే

న్యస్థాక్షరి : సరస్వతి  రామశర్మ గారు
బాలముకుందం అన్నయ్య కు
వి....1వపదంలో మెదటి అక్షరం
నా..2వపాదంలో నాలుగవ అక్షరం
య .....3వ పాదంలో చివరి అక్షరం
కా!!!!!4వపాదంలో ఐదోఅక్షరం..
చందము...కందములో ...
శివరాత్రి వైభవం గురించి

అవధాని పూరణ
[ (వి)ధుమౌళి గరళ గళమే
బుధగా(నా)నందకరము సుబోధక శివరా
త్ర్యధిగత ముపవాసము మ(య)
మధుకర (కా)ర్పణ్య రహితమయ్యా శంభో!

జైవిఘ్నేశ్వర భగవా
నే విఘ్నములజ్ఞజనులనేమనకుండన్
గావంగా గతినీవే
నోవిజ్ఞ గుణజ్ఞ యజ్ఞ! ఔంప్రథమేశా!

జైవిఘ్నేశ్వర భగవా
నే విఘ్నములజ్ఞజనులనేమనకుండన్
గావంగా గతినీవే
నోవిజ్ఞ గుణజ్ఞ యజ్ఞ! ఓం ప్రథమేశా!

గోగులపాటి కృష్ణమోహన్: నిషిద్ధాక్షరి 
శ, ష, స, హ - లను ఉపయోగించకుండా శివుని పై ఒక పద్యాన్ని చెప్పండి
అదీ కందములో అయితే మరింత అందము సుమండీ

అవధాని పూరణ
గిరిజాపతి! ఢమరుకకర!
గరళగళ వినీలకంఠ గజచర్మధరా!
వరవరదాభయ గిరిధర
కరుణాళూ కాలకాల కంధరనాగా!

మల్లావఝ్ఝుల :అప్రస్తుతం
అమ్మ ఆవిడ విషయంచెప్పండి

అవధాని
ఆవిడయ్యాక అమ్మ అయింది

మాడుగుల మురళీధరశర్మ

బాలముకుందులప్రతిభలు
కాలోచితపద్యధార*
కమనీయముగా!
ఆలోచితపుసులోచన
మేలానుతియింపతరమె*
యీవేళందున్!
మాడుగుల మురళీధర శర్మ సిద్ధిపేట

కాలోచితావధానులు
ఆలాపనగాసుధార*
యావిష్కృతమౌ!
మీలీల లెరుగలేమా?
ఫాలాంశమునిండువాణి*
బాలముకుందున్!
మాముశ

అవధానముమొదలిడుమా
కవిరాజసుపూజ్యబ్రహ్మ* కందముతోడన్!
నవవిధపవధానముగా
సవినయముగకోరువాడ* సారమతీంద్రా!
మాముశ

ఈ కందము మాకందము
మీకందమమందమందమే పూరణమం
దేకొందుము సరసములను
చేకొందురె! పద్యముల వశీకరణముగాన్

ఛందోబాషణం మామూశ వాముశ

ఎక్కడచిక్కినారొగద?*
యేమియు పల్కకనూరుకుంటిరే?

మాముశ
[ మక్కువలెక్కువయ్యెను సుమా!

[ మరిమీరవధానమేర్చరే?
మాముశ

బాముశ
తక్కిన వారలెల్లనవధాన విధాన సుధాకవిత్వమం
దెక్కువ పద్దెముల్

గోగులపాటి కృష్ణమోహన్: అప్రస్తుతం

ఏమి నూరుకుంటున్నారో ఈ రాత్రి
అవధాని: ఈరోజు సుఫలైకాదశి. నూరుకునేదేమీలేదు. ఇదివరకే అరిగింది

[మాముశ: నుడువు* తీరును గాంచగ
వేచినారహో!
[ చక్కనిమొక్కవోలె?
[అవధాని : సన సన్నని
[మాముశ: సారరసాత్మసారముల్!
[అవధాని: దక్కినౘాలునా!
[మాముశ:  హృదయధామసుసంస్కృతి
[అవధాని: లక్షణాత్మ
[మాముశ :యౌ
[అవధాని : పెక్కు విధాల
[మానుశ: పేర్మిగొని ప్రేర
[అవధాని: ణగా వెలుగొందుచీయెడన్
[మాముశ: చక్కనిపద్యరాజమును
అవధాని: సాగిలఁజేసిన వాణి సన్నుతుల్
[మాముశ : ధన్యవాదములు....

.
ఛందోభాషణము
ఉత్లమాల:
ఎక్కడచిక్కినారొగద?*యేమియు పల్కకనూరుకుంటిరే?
మక్కువలెక్కువయ్యెను సుమా!
మరిమీరవధానమేర్చరే?
తక్కిన వారలెల్లనవధాన విధాన సుధాకవిత్వమం
దెక్కువ పద్దెముల్ నుడువు* తీరును గాంచగ వేచినారహో
చక్కనిమొక్కవోలె? సన సన్నని సారరసాత్మసారముల్!
దక్కినౘాలునా హృదయధామసుసంస్కృతి లక్షణాత్మయౌ
పెక్కు విధాల పేర్మిగొని ప్రేరణగా వెలుగొందుచీయెడన్
చక్కనిపద్యరాజమును సాగిలఁజేసిన వాణి సన్నుతుల్

స్వస్తి